مصيبة كبيرة !!!

على غفلة جاى دلوقتى
كان لازم اجهز نفسى
البيت مترتب و مروقانة امبارح لكن برضة
كانت امى  ديما تقولى البيت عنوان الست النضيفة
هو اتصل و قال جاى دلوقتى و انا عارفه قد اية هو مظبوط فمواعيده
عموما انا نفضة الصالون بسرعه و دخلت لبست و مكيجت نفسى على خفيف هو مابيحبنيش احط مكياج
بصراحة كنت عوزة اغيظة بسبب اخر مرة أمى قالتلى يابنتى شهلى دا نمكى خلصى بقى زمانة طالع على السلم و اية اللى حطاه على وشك دة انتى عوزاة يتخانق معانا تانى
يتفلق بأ ماهو اللى غلطان اخر مرة
و رن الجرس
فتحت لقيتة واقف قدامى و باصص فى الارض
قلت:خش يا احمد
دخل و مش عارفة ماله شكلة متغير
قعد فى الصالون..لغاية دلوقتى مابصش فى وشى
احمد: اسف انى جيت فالوقت دا معلش بس الظروف تحكم
قلت:خير يا عم احمد اخر مرة خرجت و كنت بتلعن فينا
احمد:حنان انتى عارفة قد اية انا بحبك و خناقى دا من عشمى بس و و عموما انا جاى انهى كل حاجة بينا و افركش الخطوبة
ضربت صدرى بأيدى و صرخت: يالهوى عليك انت اتجننت الحقينى يا اما..
امى:خير يا حنان
- الفندى جاى يفركش الخطوبة اللى بقالها 3 سنين عاوز تفضحنى يا احمد
امى:ليه يابنى احنا ازناك فحاجة قول عمك سيد الله يرحمة هو اللى مربيك عاوز تغدر بأهل بيتة كدا
احمد: لا والله بس انا خلاص مبقتش انفعلها
ورفع وشه و اول مرة اشوف وشة دلوقتى من ساعة مادخل
يانهار جرح مطوة فوشة من اول جبينة لغاية خدة و دقنة
احمد منهار: انا اتعلم علية يا حنان مبقتش راجل اعرف امشى جنبك و ارفع راسى معاكى فالحتة
امى:مين ابن الكلــ... اللى عمل فيك كدا
احمد:خناقة يا حاجة و دخلت احجز و دا كان نصيبى منها
انا معرفش اية اللى حصلى أعدت فى مكان و سيباهم يتكلموا مع بعض و انا فدنيا تانية خالص
و عقلى عمال يراجع ذكرياتى و ايامى اللى فاتت مع احمد و افتكر مجدعتة و غيرتة علية و ازاى كنت باتخنق منه فكل مرة
قلت:اسمع يا احمد الراجل مش بوشة و لا بشكلة الراجل بمجدعتة و انا متمسكة بيك يا احمد حرام عليك تفتكرنى عوزاك علشان شكلك انا انا عوزاك علشانك انته يا احمد
وقف احمد وقال: يعنى انتى لسة عوزانى يا حنان
امى:يابنى البت قالتلك عوزاك اخذى الشيطان اروح اجبلوكوا لمون
احمد:انتى كبرتى فناظرى اوى يا حنان
- يا احمد احنا نعرف بعض من اكتر من 25 سنة اسيبك برضة علشان الكلام دا 
احمد:انتى اجدع بنت فى الدنيا
(تمت)

صيد ثمين (ساخرة)

• 
  
• 
  
• 
  
• هو:بحبك

• هى:وبعدين بقى عيب انا مبحبش الكلام دون
• هو:ياحياتى
• هى:قلت انا مابحبش الكلام دون
• هو: كدا ديماً بتصدى مشاعرى نحيتك
• هى:مش صد ولا حاجة انا بحترمك برضة
• هو:يعنى مش بتحبينى
• هى:انا ممكن احبك اكيد
• هو:حقيقى بجد
• هى:بس بشرط
• هو:ايه قول انا موافق
• هى:تيجى تخطبنى الاول
• هو:ايوة بس انتى عارفة انا لسة ماشتغلتش و..
• هى:ولا يهمك بابايه راجل متفاهم خالص تعالى و حتشوف
• هو:طب و واهلى اقولهم اية بس
• هى:مش فاهمه
• هو:أصدى يعنى رايح اخطب و ادية فاضية اهلى حيقولوا انت صايع و عاوز تتجوز
• هى:يا بىبى ولا يهمك قلهم الناس شريينى هو انت شوية يا حياتى
• هو:هو منطق برضة بس....
• هى:بس بقى يا حبيبى انت عاوز تزعلنى
• هو:لا يا حياتى و عمرى اجى امتى بكرة مثلا؟؟
• هى:لالا لسة بكرة تعالى معايا اعرفك على بابايه و بالمرة تطلبنى منه
• هو:يالا بينا 

لقطات من الحياة (1)

فاتن: صباح الخير عليكم جميعا
- صباح الخير 
فاتن:اتاخرت المواصلات كانت صعبة اوى
احمد: و لا يهمك يا فوفا انا مضيتلك فى دفتر الحضور عليك خدمة هههههه
فاتن: تسلملى ماما باعته معايا فطار يكفى المكتب كلة
سلوى: ربنا يخليهنا احسن انا جعانة اوى و كمان مخلل ياسلام تسلمى يا ام فاتن
الشربينى: الست الحاجة نفسها حلو اوى فى الاكل
كوثر: نفس اية دا فول يا شربينى
الشربينى:و هو فية فول بالطعامة دى
احمد:مالك يافاتن مش بتاكلى زى عوايدك
فاتن:مفيش يا استاذ احمد مفيش
احمد:هو انا مش عارفك فية حاجة 
فاتن:لا ابدا انت عارف الدنيا و مشاكلها 
سلوى: فيه اية ياحبيبتى الشربينى دايأك
الشربينى:لا و النعمه انشالله اطفحاها دى لسة جاية تلاقى بتوع التاكسى
احمد:ها مالك يا فاتن قولى
فاتن: ((تبكى)) امبارح كملت 30 سنة اهىء اهىء
سلوى:يا كبدى يابنتى
الشربينى: طب و ماله كل سنة و انتى طيبة و دى حاجة تزعل انا مشايفها حاجة تزعل و لا تقهر يعنى اصل....
سلوى: اتكتم يا شربينى البنت بتبكى على حالها 30 سنة و لسة ماتخطبتش حتى انت فكرها حاجة سهلة ولا يهمك يا حبيبتى ربنا كريم
احمد: ياست فوفا دى تساهيل ربنا ما انا قدامك اهو عندى 45 سنة ولا اتجوز و لا اتنيلت على دماغى ولا زعلان ولا حاجة
فاتن:انت راجل يا استاذ احمد لكن انا بنت اعمل اية لوحدى فى الدنيا و امى كل يوم تقولى ربنا يعدلهالك و ابويا ميت من كام سنة و معنديش
اخ ولا اخت
احمد:ياستى تتعدل يمكن ربنا يكرمك بابن الحلال اللى يعوضك
سلوى:طب يا استاذ احمد و انتى متجوزتش لية
احمد: الفلس يا مدام سلوى الفلس معييش فلوس تجوزنى و انتى عارفة المرتب 600 جنية دول مايفتحوش بيت
الشربينى: ياراجل انا مرتبى اكتر من مرتبك ب150جنية و متجوز و عندى 5 عيال و مستورة
احمد:انت متجوز فى شقة ايجار قديم ب3 جنية لكن اقل ايجار دلوقتى 500جنية و يدوبك دا غير المواصلات و الاكل و خلافة و النبى
ما تفكرنى يا شربينى بهمى
سلوى: اية يا جماعه انتم قلبتوها غم من اول اليوم كدا يالا يالا على مكاتبكم خلونا نشوف شغلنا
-------------------------------------------------------------------------------------------------------------------------------------------------
فاتن: يا ماما انا جيت
الام:وحشتينى يا عيون ماما ها جبتى الكوسة
فاتن:ايوة و الفرخة
الام:طب هاتيهم علشان الحق اعمل الغدا و انتى خدى دش و تعالى ساعدينى احسن مش قادرة اقف من رجلى
فاتن:عشر دقايق و اجيلك يا غالية
-------------------------------------------------------------------------------------------------------------------------------------------------
سلوى:اه يا مقصيف الرقبة كدا هدوم المدرسة اعمل فيكم الله يح...
حنفى: يا ولية كفاية دعا على العيلين انتى عوزة يجرالهم حاجة
سلوى:انكتم انت هولا منك ولا كفاية شرك هو انت اللى بتغسل و لا بتنضف
حنفى: ايه ايه؟؟؟؟ انتى عوزانى اعمل شغلك كمان دى شغلت الحريم
سلوى:كدا يبقى انكتم و خلينى اشوف العيال طالما سلت ايدك رجالة هم
حنفى: مش ح ارد عليكى ما انتى ولية سو و غاوية نكد
-------------------------------------------------------------------------------------------------------------------------------------------
حنفى(يتكلم فى الموبيل)) ايوة يا حبيبتى
منى: ايوة يا حياتى وحشتنى كتير انت فين فى الشغل
حنفى: لا انا فى المكتب عندى شوية اوراق بخلصهم و انتى يا حبيبتى بتعملى اية؟
منى:انا قاعده على السرير
حنفى: هه و لابسة اية بقى
منى: عيب يا حسام باتكسف
حنفى:ههههههههههه لبسة الطقم اللى منزلاه على الفيس
منى: يا خلبوص هى هى هى
قلى صحيح ح تصيف فى شرم الشيخ زى ماقلتلى يا حسام
حنفى: طبعااااااااااا دا انا مظبط رحلة باليخت بتاعى تجنن ياريتك تيجى معايا
منى: ياريت يا حبيبى لكن لما نتجوز اكيد حكون ليك على طول و معاك ديما
-------------------------------------------------------------------------------------------------------------------------------
احمد:السلام عليكم ياحاج مليجى
مليجى:و عليكم السلام يا استاذ اتفضل
احمد:الله يخليك و يزيد فضلك
مليجى:الا صحيح يا استاذ همازودوا العلاوة و المعاشات
احمد:بيقولوا من اول 6 اللى جاى
مليجى:و الاسعار تعلى من الجنب التانى بصراحة نفسى مايزودوش حاجة ويرحمونا
احمد: و فية غيرك نفسهم تزيد كل شهر
------------------------------------------------------------------------------------------------------------------------------- 

لحظات الرعب

لو تعقلت وقتها و لم افعل
لم استمع الى صوت العقل
جرفتنى رغبتى حتى وقعت فى الفخ
التحذيرات كلها كانت واضحة و لكنى غبى غبى
( 1 )
فى الصباح و كالعادة اخرجت فاتن حقيبتها الجلدية و استعدت الى الخروج و قبل باب الشقة اخذت المحمول و لفة الطعام و خرجت كانت حياتها بسيطه بلاتعقيدات تركت شعرها ينساب على كتفيها و لم تهتم لنظرة البواب او عم ابراهيم الموظف فى الحى او مصمصة ام محمود و هى تردد: بنات اخر زمن
(2)
فى العمل يوم اخر ممل شعرت فاتن بالملل بعد ساعه واحدة من جلوسها خلف مكتبها انها تعمل سكرتيرة لدى رجل اعمال مرموق منذ شهرين فى شركة مقاولات عالية المستوى تم اختيارها من ضمن 400 فتاة متقدمة للوظيفة بالتأكيد لجمالها الخلاب
(3)
فى مكتب رجل الاعمال كان يتحدث فى التليفون:
- انا جهزت كل حاجة و العملية فى مرحلتها الاخيرة
ينصت فى اهتمام و عرق بارد يتصبب على جبينة:
- حاضر لا اخطاء...اه السكرتيرة تكون موجودة..حاضر حاضر
وضع سماعة التليفون فى عصبية
و تنهد
ثم ضغط جرس نداء السكرتيرة
فاتن: نعم يا فندم
شوكت: فنجان قهوة 
فاتن: عشر دقائق و عم حنفى يحضرة لسعادتك
شوكت: لا دعى لحنفى يعدة و احضرية انتى
فاتن( بتردد ) : حاضر
(4)
شعرت فاتن بالضيق اول مرة تحضر القهوة الية انها مهمة الساعى انه تغيير فى الروتين اليومى و لكن لا داعى للسخط فمرتب الاربعة الاف جنية الشهرية كانت كفية بعدم الاعتراض على اى شىء يطلبة شوكت 
(5)
الساعه الرابعه وقت انصراف الموظفين
خلت الشركة تماما من الموظفين..
الا من امن الشركة 
و فاتن و شوكت بيه
و همت فاتن بلانصراف كالعادة و لكن البيه طلب منها المكوث
تغيير اخر فى الروتين
ماذا يجرى هنا؟؟
و بعد ربع ساعه
دخل عليها رجل فارع القوام ضخم الجثة وجهه لا يبشر بخير
- شوكت باشا موجود
-ايوة يا فندم نخ....
-هو مستنينى يا عسل كوباية شاى
و بدون انتظار دخل على الفور الى مكتب البية قبل ان تعترض فاتن و سمعت صوت شوكت من داخل الغرفة (( خلاص يا فاتن اغلقى الباب)
( 6)
عقلها لا يهدء
من هذا الرجل؟
و انا لماذا لم اغادر الشركة حتى الان
و....
فااااااااااااااااتن
شوكت بية ينادى
دخلت و هى متثاقلة
لما لم يضغط جرس النداء
و فتحت باب الغرفة
لتباغة بالضخم امامها
و قبل ان تدرك ماحدث
افرغ محتويات زجاجة بخاخة فى وجهها
لتسقط فاقدة الوعى
(7)
صداع رهيب و الظلام حالك
استيقظت فاتن
و هى مجهدة لا تستطيع الحركة
حاولت رفع يدها الى راسها
لكنها لم تستطيع
انها مقيدة الى سرير
كامل جسدها
يديها و رجليها
و صرخت لكن صوتها لم يخرج
الم حاد على فمها
شفتاها ملتصقة بشىء ما
صوت اجش: الشفايف العسل متخيطة 
فاتن:همممممم ممممممممممممم
-اهدى يا حلوة
كل حاجة ح تخلص بسرعه
(8)
الاضائة انارت الغرفة
انها غرفة عمليات جراحية
و فاتن ممددة على سرير الجراحة
و ثلاثة رجال حولها
حاولات الصراخ
و لكن فمها مخيط باحكام
قال الضخم: انا اسف لكن حظك هو اللى اختارك انتى فاكرة من ضمن 400 واحدة اخترناكى لية علشان انتى الوحيدة اللى قلبك مناسب
((جحظت عينا فاتن فى رعب))
ايوة يا عسل احنا محتاجين قلبك الغالى دا و بتأسفلك اوى معندناش بنج عمليات لكن اوعدك اننا ح نخرجة من صدرك بسرعه قبل ماتشعرى بأى حاجة
حاولت فاتن
الصراااااااااااااااااااااااااااااااخ
بلا جدوى
و امسك احدهما بمشرط الجراحة
و مال عليها
و بدأت العملية
((تمت))