عائلة بلدى ( قصه ساخرة)

كانت تجلس فى البلكونة و تاكل السودانى و تلقى بالقشر فى الشارع ملتفتة عن شكوى جارتها ام محمود اللى بالدور الثانى

اعتادت ابتهال على قرف سكنى عمارات المساكن و الناس البيئة اللى كانت دايما تقول انا مش من المنطقة دى انا من المعادى لولا ابوية بقى جوزنى موظف حكومة مكنتش شفت الوشوش العكرة دى

و فى غرفة صغيرة من الشقة جلست سوسن امام الكمبيوتر تمارس عادتها الادمانية ( شات الفيس بوك) تقول: لا ياحبيبى بابى مش يرضى ابدا احنا عيلة محافظة ايون احنا سكنين فى الرحاب لكن ما يمنعش تمسكنا بلأصول ..لالا صورى على البحر حاجة و دماغ بابى حاجة تانية خالص

و فى المطبخ وقف جابر محنى الظهر من كثرة الجلوس على المكتب يعد القهوة و هو يسرح بخيالة فى مواطنة ساحرة الجمال فاتنة النظرات بلل شفتية بلسانة مغمغماً : عسل و النبى عسل جتنا نيلة فى حظنا الهباب ْ!

اضواء خافتة

اعتادت مريم الصغيرة على السهر طوال الليل امام التلفاز خاصة بعد انتهاء الدراسة ..
كانت تبلغ من العمر 8 سنوات و للأسف ابوها توفى و تركها مع أم مهملة نوعاً ..
كانت امها من النوعية التى تحب المكوث خارج البيت طول النهار مع صديقاتها..  النسوة مع اهمال الصغيرة بشكل مستهتر و فى المساء كانت تسهر الام مع جارة لها مطلقة حتى الفجر تاركة مريم وحدها مع صديق واحد .. التلفاز
  وفى ليلة صامتة عم السكون الحارة و المنطقة باسرها كانت مريم سهرانة كالعادة امام التلفاز تشاهد فيلم ..
فيلم رعب !
لم تفرق الصغيرة بين نوعية الافلام فصديقها دائما ما يسليها !!
و لكن الفيلم كان مختلف على غير العادة كان غامض مثير   

مثير يدور حول الاشباح و اطفال الليل الملعونين و شعرت مريم برهبة و الخوف يتحسس طريقة الى قلبها الصغير و فجأة سمعت ارتطام رهيب صادر من المطبخ و وصرخت الصغيرة .. صرخت مريم و صرخت حتى اغمى عليها    
و عثرت عليها الام و استغاثة بالجيران
و جاءت الاسعاف لتنقذها
و مرت شهور و البنت تعالج من اعراض الخوف المرضى
و كو كو و كانت  تكلم نفسها فى ذهول :: - كل هذا من قطة اسقطت بعض الاوانى ...!!

الوداع الاخير

جرت نهاد بسرعة
و انفاسها تتلاحق
و نبضات قلبها تتسارع
الخبر وصلها ان أمها قد اصيبت و هى فى السوق و تم نقلها الى المستشفى
و الوساوس و الهواجس تعصف برأسها
و خيالها يصور لها ان الاسؤ قد يحدث
كانت ذكريات أمها تدور امام عينيها كشريط سينمائى
تراها عندما كانت طفلة و كيف كانت تعتنى بها
و كيف انبتها عندما (نهاد) ضربت بنتها الصغيرة
و قالت لها حرام عليكى انا عمرى ماوجعتك وانت قدها الرحمة حلوة يابنتى
توالت الذكريات السعيدة و الحزينة كماء ينسال على وعيها
و هى لا تكاد تدرك طريقها الى المستشفى
و اخيرا
وصلت
الخبر هزها
صدمها
اوجع قلبها
ماتت امها
القلب الحنون
مات دون وداع
ماتت الام فجأة تاركه فراغ اسود هائل
فقدت نهاد الحنان
الصدر الدافىء
و بكت عينيها
بكى قلبها
بكى كيانها كله
و انهارت على الارض تنتحب
مالت عليها ممرضة كبيرة فى السن وقالت
حرااام عليكى يابنتى اطلبى لها الرحمة
وقعت كلمة " يابنتى" فى قلبها كطعنة قاسية
امى راحت
امى راحت
صرخت بها نهاد من بين دموعها
و لم تدرك متى حضر زوجها و اهلها
و كيف و متى انتهت اجراءات المستشفى
و استلام الجثة
و صلاة الجنازة وقت العصر
و دفنها بتلك السرعه
كل ماتعرفة انها ذهبت
و فى غمضة عين رحلت الى تحت التراب
و تركتها فوق الارض تئن باسمها
بحنانها
بعطفها
أمى
أمى

القران

http://www.upquran.com/abdul-basit-abdul-samad.html

عريس اخر زمن (قصة ساخرة)

خلاص مش عوزة اعياد ميلاد تانى بعد ماكملت الاربعين و من غير جواز او حتى خطوبة ..بصت لى امى وقالت: يابنتى الجواز مش كل حاجة انتى مدرسة قد الدنيا و بتدى دروس و فلوسك تحميكى و انا و ابوكى بنحبك الجواز دة نصيب و كل حاجة فى الدنيا قسمة و نصيب
طبعا الكلام دة دخل من ودنى دى و خرج من التانية
كل زميلى فى المدرسة متجوزين و عندهم عيال و انا لو وحشة او ملخبطة فى نفسى اقول اه عندهم حق لكن الرجالة تيجى لحد عندى و يتعموا ولايشفونيش
قالتى صحبتى الانتيم نهى: ياخايبة انتى ناقصك دردحة و شوية مناغشة
قلت: لا جواز بالادب و الا بلاش
ضحكت فى سخرية كهربتنى: يبقى بلاش جاتك نايبة ح تعنسى يابت اتلحلحى كدة ووقعى اى حمار قبل العمر مايكر منك امك و ابوكى مش قاعدلك على طول
و ياخسارة ماسمعتش كلامها و عدى على الكلام دة خمس سنين لكن ارجع و اقول اموت من غير جواز احسن من قلة الادب و القيمة ايوة اموت بقيمتى؟؟؟
بضحك على نفسى ..فعلا..انا عوزة اتجوز بقى و الحق اشفلى عيل قبل مااقطع خالص؟
امبارح مايلت علية جارتنا ام احمد وقالت لى: بصى يا اميمة ياحبيبتى انا جيبالك عريس لقطة
قلت: و النبى يا ام احمد
ام احمد: ايوة امال دكتور مالو هدومة بس هو كبير حبتين
قلت: كام يعنى
ام احمد: بتاع 58 سنة و مراتة اتوفت من شهرين و معندوش عيال و اية جاهز من مجاميعة
طبعا انا من لهفتى وافقت على طول
و مفيش اسبوعين و كنت متجوزاة
و فى ليلة الدخلة و الاحلام الحالمة تراودنى عن نفسى
لقيت صوت شخير الدكتور واصل لودانى من الصالة
بصيت علية لقيتة مدد على الكنبة و العزف الشخيرى متواصل
بصراحة صعب علية حكم السن بقى غطيتة و دخلت نمت
( تصبحوا على خير...؟؟)

ذئاب بشرية(قصة اكشن)

انزل الباب الحديد و تثائب انة يريد ان ينام بعد يوم عمل حافل فى السوبر ماركت ركب سيارتة و انطلق الى المنزل
و لكن
كانت هناك عيون تراقبة اربعة اشخاص فى سيارة ملاكى انطلقوا خلفة
كان فريد لا يدرى بالخطر المحدق به
كان وحيدا كعادتة اثناء عودتة الى المنزل
الساعه الان الثانية صباحا
اتخذ طريق العودة الخالى تماما الان
و فجأة
قطعت السيارة التى تتبعة الطريق
و ارغمتة على التوقف
و هتف فريد غاضبا: سوقين اغبية دى سواقة دى اشوف الحيوان اللى اداك الرخصة
نزل الاربعة من السيارة المهاجمة
ضخام الجسد غليظوا الملامح
الشر على سحنتهم واضح كالشمس
ابتلع فريد خوفة و القلق تملكة
نزل من السيارة و هو يقول بتلجلج:
- اسف بس دى مش سواقة والله ما قصدى انا..
و لم يكمل اخرج احدهم مسدساً و صوبة الى رأسة و قال بصوت خشن قاسى:
- المفاتيح
فريد: ايه؟ بس
- المفاتيح ولا عمرك يابن الش....
التوتر يزداد و قلب فريد ينبض بعنف لا حدود له و حلقة يختنق انة يكاد يتنفس
و صوت نبضات قلبة فى رأسة الان انة يهوى فى بحر من الخوف الباطنى و برددت اطرافة تقدم رجل منهم يرتدة جاكت اسود و اخرج المفاتيح من جيوب فريد و من الخلف تقدم رجل اشعث الشعر و أمسكة من كتفة بيد و باليد الاخرى لوى ذراعه اليمنى الى خلف ظهرة
و فريد لا حول له ولا قوة
و تمتم كالمنوم:- حرااااام حراااااام عليكم
هتف صاحب الصوت الاجش: هههههههههه انت ح تخوفنا بالكلام دة احنا منعرفش حد و مبنخافش من اى حد
و وضعوا فريد فى المقعد الخلفى للسيارة الخاصة بة و صاحب الصوت الاجش يشهر المسدس فى جانبة و احدهم ركب السيارة الاخرى
و انطلقوا
كل سيارة فى اتجاة
***
للأسف
استغل البعض سؤ الاحوال الامنية بعد 25 يناير
و الانفلات الامنى لتحقيق مطالب خاصة محرمة و غير مباحة من قبل
و كان على العبداحدهم المنافس الوحيد لفريد فى السوق و قرر استغلال الفرصة اجر بعض البلطجية غلاظ القلوب
و قرر تصفية منافسة
تصفية فريد
***
انطلقت السيارة بفريد القيد المرعوب و قد جلس فى المقعد الخلفى للسيارة
انهم بلطجية
قتله
لا يرحمون
كان هذا يبدوا عليهم و من تصرفتهم
"و العمل يا فريد ح يقتلوك و يرموا بجتتك فى الجبل"
كان عقلة يعمل بكامل طاقتة
يفكر فى مخرج
النجاة بحياتة هى هدفة الان
كان فريد يبلغ الاربعين من العمر
متدين هادىء الطبع
مكافح فى الحياة محب للناس و اشتهر بينهم بجودة البضائع
و عدم الغش
قال صاحب الشعر الاشعث: شوفلنا حتة هادية سرع شوية لسة ح نرجع على المحل دنقل سبقنا على هناك
فريد( خلاص ح يقتلونى و كمان ح يرجعوا على المحل يارب اعمل اية؟ خلاص ح اموت فطيس زى الفراخ كدة اكيد ح يدبحونى ياااارب انجدنى)
كانت فكرة النجاة تسيطر على فريد و ارتفعت حرارة جسدة من القلق و التوتر
و اقدم على خطوة
جريئة
مجنونة
قد تكلفة
حياتة
***
فى تلك الاثناء كان دنقل منتظر بالقرب من محل السوبر ماركت و هو ينظر فى ساعتة بترقب
و فى العمارة المقابلة وقفت سعاد تنظر من خلف زجاج النافذة و هى تتمتم: دة باين علية حرامى اكيد الوقت متأخر و شكله مجرم الاستاذ فريد اكيد روح و دة جية و مستنى باقى العصابة انا لازم اتصرف
***
قفز فريد من المقعد
ضاربا يد الرجل صاحب الصوت الاجش محولا اليد التى تمسك المسدس بعيدا عنة
و بسرعة نطح برأسة قفا السائق
و قفز مكملا ما نوى علية
ادار بيدة مقود السيارة بعنف مستغلا اخلال توازنة
و قبل ان ياتى احدهم اى خطوة
كان للمفاجأة عامل قوى
انحرفت السيارة بعنف
و انقلبت بدوى رهيب
عددة مرات قبل ان تستقر على ظهرها
و قد اشتعلت النيران بمقدمة السيارة المحطمة
و على مايبدو انها
سوف
تنفجر
بمن فيها
****
شعر دنقل بالقلق عندما وجد سيارة الجيش تقترب من مكانه
دنقل: دة الجيش زوغان من هنا
وركب سيارتة و انطلق بها
فاراً من المكان
لكن سيارة الجيش انطلقت خلفة مسرعه
و الضابط فى السيارة يقول:
- اكيد حرامى وراة بسرعة اوعى يفلت منك
و بدأت مطاردة بين السيارتين
حاول دنقل الهرب فى الشوارع الجانبية و الزوغان من سيارة الجيش
و لكن العسكرى سائق سيارة الجيش كان ماهر بالقيادة فتتبع سيارة البلطجى
***
زحف فريد و جسدة ملطخ بالدماء الحارة
يشعر ان جسدة محطم كليا
و الم رهيب يعتصر صدرة و راسة و ساقة يسحبها لقد كسرت فى موضعين
لكنة باصرار من يرغب فى الحياة
زحف خارجا من السيارة المشتعلة
و زحف
وزحف
وزحف
حتى ابتعد
لم يكن هناك احد فى الجوار
الطريق خالى تماما
و بغتة
اصاب فريد الهلع
خرج صاحب الصوت الاجش من السيارة و هو مغطى بالدماء
ووقف مترنحاً
كانت اصابته بسيطة
لانة استعاد توازنة
و نظر الى فريد فى قسوة و عيناة تقذف بشرر الغضب
- انت يا ابن الشرم...تعمل فينا كدة
و صوب مسدسة كان مايزال ممسك بة
صوب المسدس نحو فريد
و هويقول: انا ح اخرمك يا ابن ال.....
و فجأة
وبلا مقدمات
تظهر
سيارة دنقل
الهاربة مندفعة باقصى قوة
و فوجىء دنقل
عندما وجد السيارة المحترقة فى وسط الطريق و حاول الضغط على الفرامل
لكنة من توترة
ضغط على دواسة البنزين
فاندفعت السيارة كالصاروخ
و قبل ان يتحرك صاحب الصوت الاجش
دهستة سيارة دنقل
و ارتطمت بالسيارة المحترقة
و انفجرت السيارتين بدوى
هائل
ممزقة صمت الليل
و اقتربت سيارة الجيش من موقع فريد
الذى نظر اليهم ثم نظر الى السماء قائلا و هو يبكى:
- اللهم لك الحمد يا رب الف الف شكر و حمد يا الله
(تمت)

العووو أكل الاطفال (قصة رعب للكبار فقط)

العوو أكل الاطفال (قصة رعب) للكبار فقط

كانت تحاول ان تحرضة على السلوك الجيد و الهدؤ بأن تهددة بالعووو ..و الببع اماله انها الطريقة السليمة فى التربية و لكنها لم تكن تتدرى ماذا زرعت و ماذا سوف تجنى..!!
* * *
كان(خالد) يجرى فى قلب الشقة و يركل الكرة بلا هدف حتى سقطت الانية الخزفية من اعلى السفرة محطمة فى دوى عالى جعل والدتة (نسرين) تهرع الية ممسكة اذنة اليمنى و هى تضربة بقوة و تقول:
- تانى انت مابتحرمش اية عفريت دة انت كلك على بعض 4 سنين
خالد باكيا: خلاص خلاص حرمت ودنى ودنى اتقطعت
نسرين: عارف انا ح اخلى العووو ييجى ياخدك باليل يسحبك من رجلك وانت نايم يا غبييييي
خالد مرتجفا: لا لا و النبى ياماما بلاش العوووووو خلاص خلاص و حياتى
نسرين: خلاص اية؟ دى المرة المليون انت تستاهل العووووو ييجى ياكلك
فى تلك اللحظة يدخل الاب الى الشقة و هو منهك القوى حاملا طلبات البيت
الاب: تانى انا قرفت يعنى شغل و طلبات و هددة حيل و كمان دوشة و مشاكل فى البيت حرام عليكى
نسرين: ياسلام ما انا كمان طالع عينى و ابنك كسر الزهرية الغالية مبسوط اشترى لى واحدة تانية بدالها
الاب: بقولك انا مش ناقصكوا
* * *
فى المساء
و فى غرفة نوم (خالد) و قد استلقى فى السرير و النعاس يملىء جفنية
سمع همس
كلام خفيف جدا
و لكنة مسموع
همس من اسفل السرير
شعر خالد بالخوف و قال لنفسة "العوووو جيه يكولنى"
و ارتفع صوت الهمس حتى اصبح صوت مسموع لزمجرة غاضبة متحشرجة
تتعالى من تحت السرير
وقف شعر رأس خالد من الخوف
انه وحدة و صورة العوووو المرعبة تتجسد فى مخيلتة الصغيرة
بشكلة القبيح اكل الاطفال الاشقياء
و بكى خالد
انسابت دموعه غزيرة و صرخ
وصرخ
باعلى صوتة
و صرخ اعلى و اعلى
و جاء الاب مفزوعا على ابنة الصغير
و سكت الصوت المرعب
و خالد يبكى و يصرخ ( العوووو العووو ح يكلنى يابابا اهىء اهىء....)
نظر الاب معاتبا (نسرين) التى جاءت تحتضن الصغير
قال الاب: عجبك ياهانم ح تركبية الخوف و يتعقد
نسرين: يا حبيبى ياخالد مفيش عوو ياحبيبى
خالد (فى حضن امة باكيا): لا فيه انا سمعتة كان ح يكولنى
الاب غاضبا: عجبك ياختى اهو عملها على روحة من الخوف
نسرين تتحسس بنطال خالد وجدتة مبلولاً
لقد تبول من الخوف
نسرين (بعصبية): كدة انا ح اخلى امنا الغولة تك..
الاب(واضعا يدة على فمها: اكتمى خالص انتى ناوية تجبيلة العيلة العفريتى كلها...تعالى يخالد ياحبيبى اغيرلك انا
* * *
و فى مساء اليوم التانى اوى خالد الى فراشة مطمئناً فوالدية طوال اليوم يدلانة فقد خرجوا الى حديقة الحيوان و تغدوا فى مطعم كنتاكى و تناول كمية من الحلويات تكفية شهور
استلقى فى سريرة يمنى نفسة بيوم جميل اخر
و اغمض عيناة
لقد انهك من اللعب
و النوم جميل
و....
همس من اسفل السرير
وشوشة مخيفة
هناك من هو اسفل السرير
و يتحرك ببطء
اقشعر جسد خالد و فتح عيناة على اتساعهما من الخوف
و ارفع صوت الهمس الى زمجرة متوحشة
العووووو
لقد عاد
كاد قلب الصغير ان يتوقف من الرعب
و شعر به
لمسة خفيفة عند اطراف قدمية
لمسة مقززة
من اصابع خشنة
و رأه
شاهد العوووو
* * *
انتفضت نسرين على صوت صراخ خالد الهستيرى و جرت نحو غرفتة يتبعها الاب مذعوراً
و بهت الاب
كان خالد ملقى على الارض و قد تبول على نفسة مرة اخلرى و نسرين بجوارة تحاول تهدئتة و هو يبكى فى هستريا
و قد احمر وجهه من هيجان الخوف
و القلق
و الرعب
هتف الاب: لالا لازم نروح لدكتور
نسرين: على اية هو مخدود بس متكبرش الموضوع
الاب(يشير الى شعر ابنة):
- انتى مش شايفة شعرة
و نظرت نسرين الى شعر ابنها
و اتسعت عيناها من الدهشة
و كادت تصرخ
* * *
قال الدكتور النفسى:
- موضوع ان شعر راسة ابيض من الخضة دة وارد الشعر فقد الصبغة السودا و بقى عديم اللون و دة نتيجة مؤثر الخوف او الخضة اللى حصل لخالد
الاب: يعنى هو كويس ؟ نعمل اية؟ انا خايف علية اوى
" نسرين طوال الجلسة لا تتكلم تشعر بالخجل و تأنيب الضمير"
الدكتور: متقلقش يا استاذ هو كويس انا كتبتلة على مهدئات و ح يبقى تمام اوى و موضوع الشعر دة ابقى اصبغهولة
الاب: و المهدئات دى مش خطر علية فى السن دة
الدكتور:لا انا كتابلة جرعات خفيفة اوى و يامدام نسرين بلاش حكيات العو و الحاجات دى
بمجرد ان سمع خالد كلمات الدكتور حتى قفز من مكانة صارخاً باكياً(العوووو العوووووو)
قال الدكتور مهدءً خالد: مفيش عوو يا بابا دة كلام فاضى انت راجل و الرجالة مابتخفش
قال خالد و هو ينتفض:
- صوتة صوتة وحش اوى بيخوفنى
* * *
نامت نسرين محتضنة خالد تلك الليلة
قبل الفجر بنصف ساعه
شعرت نسرين بمن يتحسس و جهها
فزعت
و استيقظت
لتجد خالد يكتم فمها بيد و بالأخرى يشير الى اسفل السرير
خالد(هامسا):
- سامعه اهو رجع سمعه الصوت اللى تحت السرير
و رفع يدة عن فم نسرين
و تصنتت نسرين الى ذلك الصوت
و كتمت صرخة كادت تخرج فزعه
كان صوت
همس
يأتى من اسفل السرير
صوت مخيف
و كأنة يتحركشعرت بالصوت يقترب الى اعلى السرير
كادت تموت رعبا
كان خالد عنده حق
قدميها
انها اصابع
خشنة
تلمس قدميها
جفلت نسرت فى هلع
لمت قدميها
الى صدرها و احتضنت خالد
و شحب وجهيهما و فرت الدماء من الخوف
و ارتفعت نبضات قلبها
و صرخ خالد
صرخ
و صرخ
و فجأة
فتح باب الغرفة
و دخل الاب:
- فية اية؟
كان خالد يصرخ
مغطيا على صراخ نسرين الهستيرى
هتف الاب و هو ينير الغرفة
:- كفاية كفاية اية؟ فى اية
قفزت نسرين و هى تحمل خالد الى حضن الزوج
: فى حد فى الاودة
احنا مش لوحدنا
لم تسمع رد من زوجها..نظرت الية و جدتة يبحلق فى طرف السرير و قد تصبب عرقاً نظرت الى حيث ينظر
و صرخت
و صرخت
كان يقف هناك بوجهه القبيح المسلوخ و شعرة الرمادى الاشعث و مخالب يدة طويلة خشنة حادة وقف يزمجر و بدت فى عيناة الدموية و الموت
انه..
العوووو
* * *
و بدافع الحب و الخوف
دفع الاب نسرين و خالد خلف ظهرة الى خارج الغرفة قائلا:
-اهربى اطلبى البوليس
و جرت نسرين حاملة خالد الى الصالة
و استدار الاب مواجها المخلوق المقزز
و لكنة لم يكن عند طرف السرير
لقد
كان
امامة
و قبل ان يأتى الاب بحركة
اقتلع العووو راسة
بقضمة واحدة
من فمة الذى اتسع بشكل رهيب
و اخذ يطحن عظام الجمجمة و يلكها فى تلذذ
جرت نسرين الى باب الشقة و معها خالد
و قبل ان تفتحة
تجمددت
لقد
سمعت
همس
من خلف الباب
خارج الشقة
انه هناك
فى الخارج
و عادت ببطء بظهرها مصدومة
ان العوووو
الموووت
فى الخارج
و جرت بالطفل الى غرفة نوم خالد
الى الزوج
حيث الامان الان
و هناك
وجدتة
ممزق
اشلاء على الارض
و كادت تصرخ فى جنون
و لكن
الهمس
من خلف اذنية
كان قوياً
و رائحة انفاسة النتنة
تتخلل انفها
انه ورائها
انة مصيرها
انة
العوووو
اكل الاطفال
(تمت)

مقلب سخن (قصة ساخرة)

( غرفة النوم)
الساعه 4 صباحًا
عادل يدخل متسلل
النور يضاء
نورا : ها متاخر المرة دى فين؟
عادل: حبيبتى انا انا ابدا مكنتش عاوز اقلق نومك
نورا: طبعا كنت مع صحبك محمد فتحى سهرنين لوش الفجر
عادل: بقولك اية اهمدى ونامى
( غرفة المعيشة)
الساعه 11 صباحأً
نورا : مش عرفة اعملة اية يا سوسن
سوسن: جوزك دة عمل زى جوزى بس اية خليتة يحرم يسهر تانى
نورا: ازاى قوليلى
سوسن: من عنية انا ح اخلهولك يجرج فى البيت جنبك
(غرفة الصالون)
الساعة 8 مساءً
نورا: عادل حبيبى انت خارج
عادل: ايوة اى عكننه على المسا
نورا: انا يا حبيبى بعكنن عليك ابدا والله انا بطمن بس
عادل: ايوة خارج اى خدمى
نورا: ابدا مع السلامة تروح و ترجعلى ياغالى بالف سلامة
( القهوة)
الساعه 3 صباحا
عادل: زى مابقولك و قالتلى مع الف سلامة مش فى عويدها
محمد: بركة ياراجل ياريت مراتى زى مراتك
عادل: مش عارف لكن الفار بيلعب فى عبى الموضوع وراه انة
دى بتعملى غاغة لما بخرج كل يوم
(غرفة النوم)
الساعه 4 صباحاً
عادل يتسلل اللى الغرفة
لا يجد نورا
يضىء النور يجد السرير مفركش ورائحة سجائر فى الغرفة
يصرخ عادل: نورااااااااااااا ر نوراااااااااار
نورا تدخل: ايوة يا حبيبى
عادل: انتى فين ؟ و اية دة
نورا: ابدا انا كنت فى الحمام عادى كنت نايمة و السرير مفركش مطرحى
عادل: و ريحة السجاير؟؟؟
نورا: يمكن دخلت من شباك الاودة عادى يالا اقلع هدومك و انا ح نام احسن تعبانة اووووووى
( غرفة المعيشة)
بعد اربعة ايام
الساعه 11 صباحا
سوسن: طمنينى اية الاخبار؟
نورا: تمام التمام اول يوم فركشة السرير و ريحة السجاير و اليوم التانى طلبت منة يتأخر و سبت على الطربيزة كوبيتين شاى و فى الطفاية سجارة نص محرقوة و قلتلة دة اخويا جالنا و طبعا سأله و اخويا قال انا مجتش
سوسن : ها و بعدين
نورا: ابدا من ساعتها و هو مابيخرجش تصدقى كل ساعة بيتصل بية و كمان بيطب علية فجاءة فى البيت
سوسن: مش قلتلك ح اخلية مايسبكيش لحظة هههههههههه
نورا: هما كدة ميجوش الا بالعين الحمرااااااا هههههههههه
(تمت)

أنين الخوف (قصة رعب)

عندما تنظر اليها منحنية تبحث فى وسط القمامة عن اى طعام او و هى تجرى خلف كلب ضال و احيانا تجدها بشكلها البشع و ملابسها المهترئة تهمس الى الهواء قد يقشعر بدنك من منظرها المزرى و لكن لو علمت انها اختى الوحيدة و التى كانت من اجمل بنات قريتنا منذ اسبوع واحد فقط و لكن لذلك قصة غريبة..غريبة جدا و ..مخيفة
................................

امام الترعة كنا نمشى انا و اختى (سما) و فتيان القرية يهمسون و يعلقون على جمالها و حركاتها (شباب تافه) و (سما) كانت تمتلك بجانب جمالها الاخاذ و عوداها الفارع الملفوف غرور يكفى العالم بأسرة و كنت انا بالنسبة لها نيجاتيف صورة محروقة او ابيض و اسود ( و كان الحقد و الحسد ينهش قلبى) و لكنها اختى بالرغم من كل شىء
و ذات لية كنا عائدتين من عرس و الوقت متأخر ليلا و لا قر فى السماء و كان الطريق شديد الظلام
همست (سما):- شهد..انا خايفة تعالى نجرى علشان نعدى الحتة الضلمة دى
ضحكت: ملكة جمال قريتنا خايفة من الضلمة ..ياعينى
و فجأة..
خيم الصمت على المكان
لا صوت
لا حركة
انى اسمع اصوات تنفسنا فقط
غريبة
امسكت(سما) بيدى و قالت مرتجفة:- انا خايفة اوى دى ممكن تكون ليلة النداهة
حاولت اضحك : لا انتى بتصدقى فى الحاجات الخيبة دى
و بغتة
سمعنا صوت ارتطام و انفجار مكتوم من قلب الترعة
و صرخة ألم رهيبة
زلزلت كيانى
هتفت (سما):- اجرى اجرى الندااااااااااااهه..يا اماااااااااا
و جرينا
و من خلفنا تعالى الصوت
و اهتزت اعصابنا
و علا الصراخ
و شعرت بقلبى يكاد يخرج من جوفى
عندما شعرت بذالك الذى يجرى خلفنا فى الظلام
و اصوات اقدامة تلاحقنا
و لم اتمالك نفسى الا و انا اصرخ فى هستريا
فزعت (سما) بشدة و عنف
و فجأة اختل توازنها
و هوت
سقطت
فى الترعة المظلمة
و ارتطمت فى المياة السوداء
و هى تصرخ مفزوعه: النداهة خااااااااادتنىىىى
قبل ان تسكت
و تبتلعها المياة الموحلة
................................
و حصل ما حصل ذهب عقلها من شدة الفزع و الرعب تلك الليلة
كان عم (عتمان)نايم مثل عادتة و هو يقود السيارة نصف نقل الخاصة به و انحرف عن الطريق و سقط فى الترعه و كان يصرخ و عندما سمعنا خرج من المياة هاربا بعمرة من الغرق فى الترعة و كان يجرى خلفنا كان الموضوع كله خدعه من عقولنا

(تمت)

الشر الاسود (قصة رعب)

كانت مثل الزهرة المتفتحة قبل ان تلمسها اصابع الشر!!
***
كانت (صفاء) فى المرحلة الثانوية متفوقة جميلة و هادئة و محبوبة من والديها و الجميع يتنبألها بمستقبل مبهر
و فى يوم لن تنساه صفاء ابدا كانت ذاهبه هى و زملائها فى المدرسة الى درس رياضيات و كعادة البنات الضحك و الكلام فى الشارع بستمرار
و فجأة
اختفت صفاء من وسط البنات صرخن
و جدوها داخل بلوعة مجارى
و قد كسرت قدميها
و تم نقلها الى المستشفى بعد ان تأخرو فى اخراجها من البلوعة لأكثر من ثلاث ساعات
و هناك فى قسم الطوارىء سأل الاب الطبيب:
- حتبقى كويسة مش كدة يادكتور
الطبيب:
- ايوة كسر بسيط فى كل رجل لكن الخوف مش فى دة
الاب متوتر: امال؟
الطبيب: لازم تعرضوها على اخصائى نفسى
***
و كعادة الاهل عند ذكر الاخصائى النفسى اعتبروة فال سىء و عيبة كبيرة
و خلال ثلاثة اشهر شفيت صفاء تمام من الكسور
لكنها
تغيرت
الى الاسوء
نظراتها شاردة.. لا تتكلم..ساهمه دائما
تنظر الى البعيد
تكون معها فى الغرفة تنظر اليك بعينيها لكنة لا تنظر اليك
انها فى مكان اخر
الاب و الام أصابهم القلق عليها
عرضوها على أخصائى نفسى برر الامر الى صدمة عصبية نتيجة سقوطها فى البلوعه و سط الظلام لمدة ثلاث ساعات و حيدة بدون نجدة
ووصف لهم الادوية و العقاقير
و لكن..
صفاء لم تشفى
و فى ليلة من ليالى الشتاء
و البرد شديد
و الامطار تنهمر فى رخات كالرصاص
استيقظ كل من فى البيت فزعا
على صوت مدوى لخبط و ارتطام صادر من غرفة صفاء
اسرع الاب اولا و دخل الغرفة
ليجد ما اخافة
اخافة من ابنته
من صفاء
***
كانت صفاء جاثية على ركبتيها
و هى تضرب الارض بقبضتيها
و تصرخ بصوت غريب:
- ابى ..تعالى خدنى
ابى انا بنتك
ابيييييييي
حاول اباها و امها ان يحتضانها
و لكنها ابت الا ان تدفعهم بعيدا
و عيناها حمروان بالون الدم
- ابعدوا انا معرفكوش
اقتربت الام منها و قالت:
- صفاء انا ماما ياحببتى
لانت ملامح صفاء مما شجع الام على الاقتراب منها
و لكن بغتة انتفضت صفاء و نفرت ملامحها و انقضت على امها تخمش و جهها بأظافرها فى قسوة و وحشية
و كادت تقتلها
لولا تدخل الاب
الذى قام بدفعها
و امسك بالأم و خرجا من الغرفة
و قفلها الاب بالمفتاح
***
شهقت الام: ممسوسة
الاب: ايوة لبسها جن دة واضح اوى لازم نتصرف
الام: لا لا مش ممكن
الاب: انتى شفتى عنيها دى كانت ح تموتك
الام: ياخبر و العمل
الاب: مش عارف لكن لازم اتصرف
***
كان الاب قد نام اخيرا بعد طول تفكير
عندما اقتربت منه صفاء لم تكن تمشى
كانت قدميها مرتفعه عن الارض بمقدار قبضة يد و ظهرها منحنى للخلف
و عيناها حمروين ووجها نافر شاحب
كانت تسبح فى الهواء عندما اقتربت من الاب بلا صوت
و نظرت الى وجهه فى ازدراء
و القت نظرة خاطفة على الام المضمدة الجراح
ثم انسابت الى المطبخ
و اخرجت السكين الكبير الخاص بالذبح
و عادت الى غرفة نوم والداها
و فى عينيها
الموت..
***
صرخ الاب ألماً و انتفض من رقدته عندما شعر بألم رهيب فى كتفة الايسر
على اثر طعنة السكين
ليجد صفاء و قد التصقت بسقف الغرفة حاملة السكين ملطخا بدمائة
اصابة الفزع و الرعب و هو ينظر اليها ملتصقة فى السقف
صامتة
محدقة الية
قامت الام على صرختة و ظلت مشدوها مرتاعه من ابنتها لا تدرى ماذا تفعل
و فجأة
هبطت صفاء ببطء الى الارض
و قالت: انت مش ابى
و تركت السكين تسقط على الارض وغادرت
كتم الاب الجرح بيدة وهرع خلف صفاء
كان باب الغرفة مقفل كما تركة فتحة بالمفتاح
ليجد صفاء مستلقية على سريرها نائمة
***
بعد لف ودوران واسئلة و استشارات حدد الاب اين الحل
اصطحب صفاء فى سيارة بيجو و اتجهوا الى سيناء
عند البدو
و هناك قابل الشيخ (عمار) و الذى قال لة:
- بنتك يا حج ملبوسة ببنت ملك قبيلة الجان ولازم نطرد الروح الشريرة منها ولازم تساعدنى و تساعد بنتك بأنك لا تتدخل مهما حصل
الاب: انت تأمر بس بنتى تخف
دخل عليهم شاب بدوى جميل الملامح و جلس امام صفاء الصامتة كالصخر
قال الشيخ عمار: هذا (باسم) و هو ملبوس من جن مسلم مسالم و معاه العهد و هو ح يساعدنا فى تخليص بنتك
و بدأ الشيخ عمار فى قرأة سور و ايات من القرأن الكريم و بدأت سحنة صفاء تتغير و تتحول و هاجت
هتف باسم: انا شايفها الجنية ياه منظرها بشع انها تحترق الحمد لله الحمد لله لكن اسرع ياشيخ انها تحاول الخروج من عنيها
اسرع الشيخ عمار فى القراءة و التمتمة و صفاء تنتفض و تصرخ
و فجأة
سقطت مغشيا عليها
و من اظفر صابع الابهام بيدها اليسرى تساقطت قطرات من دماء زرقاء
هلل و كبر الشيخ عمار: الحمد لله لقد خرجت اللعينة من ابنتك
فرح الاب و هلل و حمد الله
و ماهى الا نصف ساعه و عاد الاب و صفاء الى الديار
فى امان
(تمت)

كرسى فى الكلوب (قصة ساخرة)

(غرفة المدير)
عزت مدير مصلحة حكومية يجلس خلف مكتبة
عزت: يوم تانى مقرف عاوز شوية فرفشة
يضغط على الجرس
تدخل السكرتيرة (قبيحة جدا)
نوال: صباح الخير يافندم
عزت: صباح الخير(فى نفسة صباحنا مطين بنيلة)
نوال: اعتمدنا الميزانية و اوراق التحصيل
عزت: تمام اطلبى لى الاستاذ فريد رئيس شؤن العاملين
نوال: حاضر (تخرج)
جرس الموبيل نغمة (الست... مية مية ..عسلية...)
عزت: كملت مراتى (يرد) ألوووووو حبيبت قلبى كنتى لسة على بالى ياروحى
الزوجة: ياسلام انت بكاش بطل ياراجل انت كبرت على كدة
عزت:(يظهر الضيق على وجهه و لكنة يفتعل الانبساط) كبرت اية دا انا لسة شباب ها ياحياتى ودنيتى عوزة حاجة ولا بتطمنى زى عويدك؟!!
الزوجة: لا زى عويدى ههههههههه اخبار (نوال) اية؟
عزت: تمام دى كانت لسة معايا من دقيقة عوزة منها حاجة؟
الزوجة: ابدا انا بطمن على بنت خالتى طيب سلام مؤقت
عزت: مع السلامة ياحبيبى
يغلق و يرمى بالموبيل على المنضدة فى غيظ
عزت: حطالى بنت خالتها جاسوسة علية بنت اللئيمة
(صالون الشقة المفروشة)
سوسو: توك ما افتكرت ان ليك زوجة وحدانية مستنياك
عزت: ابدا والله دا انتى فى دماغى وقلبى من جوة لكن انتى عارفة عقبال
ما عرفت ازوغ
سوسو: كمان مش كفاية رضيت اتجوزك فى السر و انت اكبر منىبعشرين سنة و كمان متجوز و بتخاف من الهانم مراتك
عزت: (مداعبا) ابدا ياروحى دة احترامسوسو: ها جبت لى السلسلة الدهب عيار 24
عزت: طبعا يا حياتى شوفى جملها
سوسو: اية دة دى عيار 18
عزت: ياحبيبتى كلة دهب بقولك ما تيجى نتكلم جوة
سوسو: جوة فين؟ دى عيار 18 زيك بالضبط
(شقة نوال السكرتيرة)
نوال: ايوة زى مابقولك يا نادية جوزك عزت متجوز عليكى
نادية: يانهار ابوة اسود و عرفتى منين؟
نوال: امبارح سمعتة بيكلمها فى التليفون
نادية: انا ح اخرب بيتة
نوال: لالا ماينفعش اهدى كدة انت عارفة كدة انتى خسرانة
نادية: خسرانة ازاى؟؟
نوال: لو طلقك ح تخسرى الفيلا و العز و عيالك خلاص كبروا و اتجوزوا و كلواحد فيهم فى بيتة
نادية: ايوة بس ما اقدرش اسكت على الرجل ابو عين زيغة الدنى دة
نوال: انا عندى فكرة لكن اية ح تربية ههههههههه
(بدروم مظلم)
عزت مقيد بحبال غليظة و فاقد الوعى و معلق فى سقف البدروم
و فمة مكمم بقطعة قماش
و البدروم خالى تماما من الاثاث
يفتح الباب يدخل اثنين من الرجال الضخام و يضىء احدهما النور
الرجل الاول:كدة كويس علشان مايفتكرش ان بنات الناس لعبة فى ادية
الرجل الثانى: تعالى نفوقة و لما نشوف اخرتها معاه
يفكوا الكمامة عن فمة و يصفعوه على وجهه فيستيقظ فزعاً
عزت: انا فين حرام عليكو انا افتكرت انتم اللى هاجمتونى فى العربية
الرجل الثانى: ايوة يامحترم انت مخطوف
الرجل الاول: و هتعمل كل اللى ح نقولك علية
عزت: حاضر حاضر انا تحت امركم لكن فكونى وخرجونى من هنا
الرجل الثانى: انت عارف احنا مين الاول؟
عزت: ماحصليش الشرف الكريم قبل كدة
الرجل الثانى: احنا اخوات سوسو اللى اتجوزتها على مراتك
عزت: يانهار اسود سوسو(صالون الشقة المفروشة)
عزت يصفع سوسو على وجهها بقوة
عزت: انا اتعلق
يصفعها مرة اخرى
سوسو: حرام عليك يامفترى
عزت: برة مش عوزك ياحرمية بعد اللى عملة اخواتك
سوسو: اخواتى ؟ انا مليش اخوات انت ظالمنى
عزت: اية؟ ايوة صح انتى مالكيش اخوات امال دول مين؟ يانهار دول بيعونى الفيلا و سحبتلهم رصيدى كامل من البنك دول عرفين عنى كل حاجة
سوسو: اكيد مراتك نادية هانم وارا دة كلة طلقنى بقى يامحترم بعد مابقيت على الحديدة مابقتش تلزمنى( فيلا عزت)
عزت: انتى تعملى كدة يانادية كل دة يطلع منك
نادية: انت اللى وحش بتجرى ورا البنات اللى قد عيالك انا خلاص زهقت
عزت: يعنى بتعترفى؟
نادية: ايوة باعترف حقى و لازم اخدة
عزت: تسرقينى بعد العمر دة كلة اربعين سنة جواز
نادية: (مندهشة) اسرقك؟ لالا انا انا رفعت قضية طلاق و نفقة منك و دة حقى اللى لازم اخدة منك
عزت: اية؟ امال مين مين اللى خلانى على الحديدة و خسرنى كل حاجة مين؟
مين؟(شقة نوال السكرتيرة)
نوال تتكلم فى الموبيل
نوال: ياعينى يا نادية معقول خسر كل حاجة ياحرام
معلش ربنا يعوض عليكى ...ايوة حقك ارفعى القضية و خدى مرتبةايوة حقك ياحبيبتى خلاص اوكية سلام
تغلق الموبيل
نوال: هههههههههه عشان تعرف ياسى عزت ازاى تضحك علية عشمتنى بالحب و الجواز علشان ابقى فى صفك و ما اتجسس عليك لصالح نادية و فى الاخر تتجوز البت المفعوصة دى اللى اسمها سوسو ههههههههه اهو دلوقت انا معايا فلوسك و فيلتك و ح اتجوز اللى على مزاجى(تمت)

قنبلة 25 (كاريكاتير)